Dancing in my crib

今日係Mother's Day，不過臭豬好曳，成日都唔肯覺覺，係都要癡住我。

晏晝個覺訓唔夠，醒咗喺度扭計兼玩prison break。連同公公婆婆skype都唔濟。哎~~~俾個咁嘅first mother's day俾我呀！

爹爹迷你生日party

4月22號，爹爹生日。點知嗰日爹爹要做after hour support，唔敢去街。但係生日喎，點都要慶祝吓。唯有去屋企附近間Boston Pizza。生日喎，爹爹一定要請嫲嫲食飯嘅。
我哋叫咗個kid's portion嘅焗三文魚俾仔仔食，嫲嫲就要個大人版嘅焗三文魚。個豬仔居然食晒自己嗰份不特止，仲要食爹爹啲意大利粉。好大食啊！

然後係度扮Popeye...

落雨夜，戴太陽眼鏡揸車？

尋晚去完婆婆道玩。翻屋企嗰陣落大雨，揸車完全睇唔到條路。哈，俾我醒起五舅夫send個e-mail話戴太陽眼鏡可以睇度條路。咁我膽粗粗咪試吓囉。五父不愧為職業司機，呢個方法真係work！完本因為雨水加街燈同對頭車反光而睇唔到條路，一戴咗太陽眼鏡，乜到睇到晒。最神奇嘅係，戴咗太陽鏡之後，完全唔覺得暗。

下次落大雨又睇唔到路嗰陣，記得戴太陽眼鏡呀！