有新羹仔用呀！

啱啱去完街街，見都啲BB羹羹好得意，咪買咗隻俾豬仔用囉！黃庭見都隻新羹仔不知幾興奮，即刻擺入口用。跟住食飯嗰陣仲用嚟自己拔湯飲，好叻仔喎!

黃庭好核凸呀!

臭臭好核凸呀！食完飯係道撩鼻屎，仲要兩個鼻鼻一齊撩，咿～～～

跟住用食飯tray當滑浪板

但係都好叻仔，識自己飲湯。正湯皇...

自戀BB扮盲公行路兼自己食飯

唔知幾時黃庭覺得瞇埋眼行路好好玩，搞到呢排成日扮盲公行路，好搞笑。

仲有呀，而家臭豬要扮大人，唔鍾意人餵，要自己𢳂飯食......咪食到四圍都係囉！

始終都係最鍾意自拍！

做熊好過做媽媽

臭黃庭一見到熊就攬住錫。從來都冇咁錫過爹爹媽媽。真係做隻熊好過。

除咗鐘意熊，仲鐘意自拍。不如今年Holloween爹爹扮雄，我扮相機把啦！

學游水

上幾個禮拜熱到乜乜咁，帶咗黃庭入Coquitlam同公公婆婆游水。豬仔發覺浮水原來好舒服，玩到唔捨得走。不過玩到攰哂，翻到屋企就大覺瞓嘞！

兩用BB電話

BB電話同大人remote一樣，都係有數目字1-9。黃大爺要開電視，但係爹爹攞咗大人remote, 黃庭唯有用BB電話開電視啦！

孫悟空玩直升機

黃庭變孫悟空！平時隻臭豬已經成日扮馬騮精，日日掹住檯邊fing吓fing吓。上個星期同Crystal姐姐一齊食晏。臭豬仔搶咗Crystal姐姐個頭箍帶，點知帶到好似金剛圈，好攪笑。

跟住仲同Crystal姐姐玩直升機，玩得好開心添！

第一次自己行

黃庭已經自己行咗個幾月啦！不過第一次自己行嗰陣好得意。啱啱喺婆婆道upload咗啲clips。

識自己行啦!

看牛仔階段終於到啦！而家隻臭豬識自己行啦！

話說星期六去咗婆婆度。婆婆屋企大嘛。由一張梳化行去另一張梳化度有好大個gap。臭豬懶得行完又爬又再行，咪唯有放手自己試吓囉。點知原來自己行係好易喎，就成日係婆婆屋企氹氹行。行到覺都唔肯瞓，唉～～～

呢兩日喺自己屋企行上癮，係到唔肯停。

Happy Birthday!

黃庭上個星期日生日。原本諗住同佢攪個大Birthday Party，點知臭豬傷風，仲惹埋我同嫲嫲。唉，為有自己屋企慶祝啦！之不過婆婆叫我哋星期六返去Coquitlam道睇中醫，咁又順便提早日慶祝Birthday嘞！
婆婆話一歲生日要自己食蛋糕。結果食到成面都係。原本個仔坐係道好乖咁食，點知個臭爹爹攪攪震，攪到個仔扭晒計，要抱。


生日正日就同黃庭去大班食早餐。個金魚仔居然食晒我成個細早餐！

Dancing in my crib

今日係Mother's Day，不過臭豬好曳，成日都唔肯覺覺，係都要癡住我。

晏晝個覺訓唔夠，醒咗喺度扭計兼玩prison break。連同公公婆婆skype都唔濟。哎~~~俾個咁嘅first mother's day俾我呀！

爹爹迷你生日party

4月22號，爹爹生日。點知嗰日爹爹要做after hour support，唔敢去街。但係生日喎，點都要慶祝吓。唯有去屋企附近間Boston Pizza。生日喎，爹爹一定要請嫲嫲食飯嘅。
我哋叫咗個kid's portion嘅焗三文魚俾仔仔食，嫲嫲就要個大人版嘅焗三文魚。個豬仔居然食晒自己嗰份不特止，仲要食爹爹啲意大利粉。好大食啊！

然後係度扮Popeye...

落雨夜，戴太陽眼鏡揸車？

尋晚去完婆婆道玩。翻屋企嗰陣落大雨，揸車完全睇唔到條路。哈，俾我醒起五舅夫send個e-mail話戴太陽眼鏡可以睇度條路。咁我膽粗粗咪試吓囉。五父不愧為職業司機，呢個方法真係work！完本因為雨水加街燈同對頭車反光而睇唔到條路，一戴咗太陽眼鏡，乜到睇到晒。最神奇嘅係，戴咗太陽鏡之後，完全唔覺得暗。

下次落大雨又睇唔到路嗰陣，記得戴太陽眼鏡呀！

自己飲carrot juice

Lothar大個仔啦！識得自己搾杯杯飲carrot juice.

之後食蕃薯粥，好味到濟咗都要食......

雪耳醫濕疹

爹爹同奶奶都病咗，呢兩個星期為有去婆婆度過夜避菌。原本諗住婆婆度有lotion俾仔查，點知過咗幾日，啲濕疹又出翻嚟。我發覺啲lotion冇玻尿酸, 都係爭咁啲。
咁啱呢兩日睇度牛爾老師話雪耳有類玻尿酸，咁我咪用雪耳褒水，褒到啲雪耳水杰撻撻，當gel咁俾仔查。查原雪耳水，再查翻豬仔啲BB油，啲濕疹又好翻啲喎！不過冇落preservetive, 所以整得好少。用唔哂啲雪耳水，俾舅母敷臉，連舅母都靚埋。

繼續為食仔

前排同公公婆婆去高柏度食晏，個為食豬係咁要婆婆俾um，仲好惡添......

濕疹Lotion Formula

啱啱整咗豬仔啲Lotion. 用咗之後手仔啲濕疹好咗好多。有好多朋友都問我個Formula，索性係度公開。
成份：
Water Phase:
Hyaluronic Acid （玻尿酸粉）1ml
Urea （尿素）2.5ml
Glycerin （甘油）5ml
Aloe Vera Gel （蘆薈汁）15ml
Allantoin （尿囊素）1ml
Chamomile/Lavender Water (洋甘菊／薰衣草花水）50ml (可用純水代替）
Oil Phase:
Jojoba Oil （荷荷巴油）15ml
Squalane (角鯊稀）5ml
Emulsifying Wax 10ml

Preservatives (化妝品抗菌制) 0.5ml

1. 將Water phase啲ingredience撈埋一齊，待用。
2. Emulsifying wax撈落Jojoba Oil同Squalane,晌微波爐叮10到15秒，等啲Emulsifying Wax溶。
3. 將Water phase solution慢慢倒入Oil phase solution。一邊倒一邊搞，等佢混合到lotion狀。跟著mix埋啲Preservative落去。倒入樽，搞點。

啲材料可以上網訂。我通常晌 http://www.makingcosmetics.com 或者 http://www.newdirectionsaromatics.ca/ 買材料。價錢同Quality都OK㗎。

爬走郎，學講嘢

臭豬爬走郎爬得快，學講嘢仲快！

我個老友記

呢個係我老友仔，叫Peter. 我好鐘意同佢玩㗎！不過我更鐘意食嘢。

為食懶仔玩自拍

好耐都冇post啲自拍video上嚟。今次整番個為食加懶仔唱歌啦!
豬仔食親yogurt第一啖都係扁哂個樣，好得意。跟住佢聽親歌仔都頭噏噏打拍子，都幾準㗎。有時同佢一齊唱"If you happy and you know it clap your hands"隻豬仔會拍手㗎，不過今日响學校同啲小朋友唱遊完就唔肯在拍拍，話今日拍夠喎。真係多事幹。

食飯，瞓覺

嚮婆婆度玩咗成個weekend，今日終於捨得返屋企。
豬仔嚮我渣車返屋企途中訓着咗。一入garage，都未抱佢出嚟就醒咗。瞓咗半個 鐘。跟住我要車爹爹去睇跌打。嫲嫲咪幫手湊豬仔囉。嫲嫲餵完佢食晏就諳佢瞓。又係瞓得大半個鐘就醒咗。5pm左右豬仔開始扭眼瞓。我咪如佢所願黯佢瞓囉。 點知臭臭想玩，係都唔肯瞓。唉，我鬥佢唔嬴，咪俾佢玩囉。到7:30pm食飯喇，個臭豬真係好眼瞓，坐喺度飲飲吓奶都瞓得着。到我哋大人食完飯先醒。唔忿 氣冇大人um，又扭過......

木瓜酵素

木瓜酵素今日被逼開封！釀得6日咋！


原本呢罃酵素要釀21日，但係我發現有一舊木瓜同一舊檸檬開始發髦，唯有今日開封算啦！


不過真係釀到幾多汁吓。有成大半支。因為未釀夠時間，所以好甜，要加水先得。D木瓜就酸酸甜甜，好似腌木瓜, 都幾好味。除咗就咁食，我諗住用嚟醃肉，咁D肉就又諗又軟！
木瓜:明目清热通便,分解脂肪,缓和消化不良

撼親頭仔，好痛呀！

今日豬仔原本嚮梳化旁邊度爬爬。點知唔夠力，個頭砰旁撼落地，痛到即刻大喊。我即刻抱起豬仔呵翻佢啦！啱啱佢望到落雪喎，覺得好得意，即刻收聲。快過刪水喉。

學英文生字

而家日日都俾豬豬仔睇"Your Baby Can Read"。一日兩次，每次廿分鐘。睇咗一個月，識少少生字啦！不過臭豬好多時都懶得郁，淨係用對眼啤啤就算。

提子酵素

罃提子酵素今日開封。用個500mL罃嚟釀, 過濾咗之後，得翻5oz咋！好少喎！不過幾好味。甜甜哋，一啲酒味都冇。第一次飲完的確心跳加速。
我知道上次啲酵素衰乜啦！因為我洗完嗰罃冇頃乾，所以搞到啲酵素有黑色啲糢。整酵素好易乍！最緊要啲罃夠乾淨，冇水同油。材料係any生菓，檸檬(好重要㗎，用嚟殺菌。冇檸懞用醋都得) 同片糖or黃糖。啲生菓洗乾淨，頃乾水，切片。一層生菓，一層檸檬，一層糖。Fill到個罃八分滿。吽三個星期就得啦！一日飲兩次，每次30mL。唔駛加水，除非太甜囉！
提子酵素可以調節心跳，補血安神，加強腎、肝功能，幫助消化。

整酵素

呢排發現酵素原來有好多好處, 試整咗幾罃。衰咗兩罃，都係香蕉酵素。再接再厲，希望今次成功啦！

8個月人仔搶麵食

豬豬仔超鐘意食麵。成日嫌爹爹餵得慢，要搶麵食。你睇佢搶得幾誇張！

新春大吉

新年嗰陣洗咗成$50幾買咗套棉納仔俾豬豬仔。超得意。公公影咗d相。俾你哋睇吓。

恭賀新禧

農曆新年到喇！恭喜發財，利事逗來！

Make a Smilebox slideshow

爬得快，好世界

呢排豬仔爬得好快，boop boop 聲爬咗去。要睇都佢實一實，如果唔係就唔知佢爬咗去邊，真係幾危險。

病咗！

嫲嫲同媽媽都病咗，咪的亞仔入婆婆度，費事傳染佢啦！點知，都係病埋。 唉～～～

食芝士同提子乾

2009年1月3號星期六落大雪，出唔到街。咁喺朝早餵豬豬仔學自己食cheese。嘩，咬咗好大啖喎！今朝豬仔又想學食提子乾。但係啲提子乾太細粒，仲未識揸喎。我諗住餵佢幾粒算啦。唉，食到唔停得口啊！

食嫩雞燴麵

尋日同豬豬仔去食上海菜。叫咗碗嫩雞燴麵俾佢。原本要剪到細細粒嚟俾佢食，但係隻惡仔唔等得，唯有成條咁俾佢食。吓，佢又shuu得幾好喎！

向前爬實錄

我有我爬,阿媽有阿媽講電話...

Happy New Year!

2009年又到啦！Lothar 同各位講聲Happy New Year!

仲有，豬仔對門牙出緊啦！而家見到兩條白線。個video凈係睇到下面兩隻牙仔咋......